மரப்பாச்சி பொம்மை

மரப்பாச்சி பொம்மை

பணத்தைக் கொடுத்து பொருள் பெறுவது தானே சந்தை…

இதென்ன பொருளோடு சேர்த்து பணமும் பெற்றுக்கொள்ளும் விந்தை?

இங்கு இவள் விலைப் போகக் காத்திருக்கும்

உயிருள்ள மரப்பாச்சி பொம்மை….

“பொம்மை அழகாகவும், அறிவாகவும், அன்பாகவும் ,

அடக்கமாகவும் இருக்க வேண்டும்”

இவை வாங்குபவன் இடும் விதிகள்!!!!

வேடிக்கையாகவும்….வேதனையாகவும்….

படிததும் நீ பாமரனாய்…

சுயசிந்தனையற்றவனாய்…

சொல்லிக்கொள்ளாதே வெட்கமின்றி வெளியில்

நீயும் ஓர் ஆண்மகன் என்று…..

போதுமடி பேதையே நீ புண்பட்டது…

உணர்ச்சிகளை உதறி ஊமையாய் இருந்தது…

விதி என்ற விலங்கை உடைத்து

கோட்பாடற்ற கட்டுப்பாடுகளை கடந்து

உனக்கென்று உன் வாழ்க்கையை

உவகையுடன் வாழ்ந்துக் காட்டு…

தன்மானத்தை இழந்து திருமணச் சந்தையில்

விலைப்போவதை விட தனிமரமாய்

வாழ்வதே மேல்…….